FIL9: Sanaysay

Ang katapangan ay ang pagharap sa mga pagsubok at sa kahirapan at sa hámon na bigyang-solusyon ang mga problema nang may bukás na mga mata.

Ang aking mga magulang ay mga magsasaká. Masigasig na nagtatrabaho ang aking ina sa sakahan para sa aming pamilya at kapag siyá ay nasa aming tahanan, siyá ang naglalaba, naghuhugas ng pinagkainan, naglilinis ng bahay, nag-aalaga sa mga báka, at nagluluto.

Hindi tumutulong ang aking ama sa mga gawaing bahay at madalas siyáng nasa labas at nakikipag-inuman sa mga kaibigan. Lagi siyáng lasing sa pag-uwi. Sa tuwing siyá ay nalalasing, madalas ay inaaway niya ang aking ina at sinasaktan ito.

Isang araw pagkauwi galing sa inuman, gutom na gutom ang aking ama at dahil walang lutong pagkain ang aking ina, siyá ay nakipagtalo rito. Sinaktan niya ang aking ina sa pamamagitan ng pagsipa rito.

Noong isang araw naman ay nasampal niya ito dahil sa pagtatalo. Nangyari ito noong nanghingi siyá ng perang pang-inom ngunit walang naibigay ang aking ina. Sinabi ng aking ina na kailangang magtrabaho ang aking ama para sa aming pamilya sa halip na maglasing. Sa gálit ng aking ama, kaniyang sinaktan na naman ito. Umiyak ang aking ina.

Dahil laging sinasaktan ng aking ama ang aking ina sa tuwing nalalasing ito, nakaramdam ako ng hiyâ sa harap ng aking mga kapitbahay bunsod ng kaniyang masamâng ugali. Inisip ko sa aking sarili na kung hindi ko tutulungan ang aking ina, maaari siyáng mapahamak at ito ay magiging isang malaking sakuna para sa aming pamilya.

Dalawang uri ng Sanaysay:

Ano ang pangunahing tema ng binasang Sanaysay ni Dalin Moav?

Ano naman ang Himig (o emosyon) na ipinakita sa sanaysay?

Anong Panauhan ang ginamit sa sanaysay na binasa?

Sa iyong palagay, saang bahagi ng Sanaysay ni Dalin Moav, ang hindi malinaw?

Ang sanaysay ba na binasa mula Cambodia ay may pagkakahawig sa mga pangyayari sa Pilipinas?