8-сынып. қазақ тілі

Ғаламтор, техниканың соңғы жетістігі адамды кітаптан алшақтатқаны белгілі. Бірақ техника ешқашан кітап пен кітапхананың орнын баса алмайды. Кейінгі кездері «Кітапты не қыласың, ғаламторда барлығы тұрған жоқ па?» деген пікірлердің белең алып тұрғанын жоққа шығара алмаймыз. Бұл заман кітаптың емес компьютердің заманы атанып кеткені де осындай қате пікірлердің кесірінен болар, мүмкін. Мен кітап оқығанды ұнатамын. Әсіресе, ескі кітаптарды қолыма алғанда ерекше күйге бөленемін. Кітап парақтарын аша бастағанда өзіне тән иісті сезініп, жаным жай табады. Әрі қарай кітап беттерін парақтаған сайын оқи бергің келеді. «Бұл не деген күш?» - деп ойласам, кітаптың өзіне баурап алатын сиқырлы қасиеті екен. Оның сан қырлы құпиясы көп. Мұны түсіне білген адам жолында ешқандай тосқауыл болмайды. «Кітап -білім бұлағы, білім- өмір шырағы» екенін естен шығармағанымыз абзал. Қанша жерден техникалық құрылғылар қажеттілік көзі болса да, кітаптың орнын баса алмасы анық.