Ալգորիթմ - Վիքիպեդիա

Ալգորիթմը քայլ առ քայլ հաշվարկային գործընթաց է, որը կիրառվում է հաշվարկներում, տվյալների մշակման և մտահանգումների ավտոմատացման ժամանակ։

Ալգորիթմը ստեղծվել է հռչակավոր մաթեմատիկոս Ալ-Խորեզմիի կողմից։

Ալգորիթմի նպատակն է լուծել խնդիրները և ստանալ վերջնական արդյունք։

Ալգորիթմներ կարող են ունենալ բազմաթիվ լուծումներ, որոնք հասցնում են նույն նպատակին։

Ոչ ֆորմալ սահմանումը կարող է լինել "կանոնների հավաքածու, որը ճշգրիտ սահմանում է գործողությունների հաջորդականությունը"։

Ալգորիթմի նախատիպը Էվկլիդյան ալգորիթմն է, որն օգտագործվում է երկու ամբողջ թվերի ամենամեծ ընդհանուր բաժանարարը գտնելու համար։

Ալգորիթմները էական են համակարգիչների կողմից տվյալների մշակման ընթացքում։

Շատ համակարգչային ծրագրեր պարունակում են ալգորիթմներ, որոնք նկարագրում են որոշակի առաջադրանք կատարելու համար անհրաժեշտ հատուկ հրահանգները։

Ալգորիթմի ֆորմալացումը նշանակում է, որ այն պետք է լինի հստակ և որոշակի, որպեսզի կարողանա լուծել բոլոր հնարավոր իրավիճակները։

Ալգորիթմները կարող են արտահայտվել բնական լեզուներով, փսևդոկոդով, բլոկ սխեմաներով կամ ծրագրավորման լեզուներով։